November 26 2014 10:57:50
پێڕست
ماڵەوە
دابه‌زاندن
لینک
ئارشیڤ
پەیوەندیم پێوەبکە
گەلەری وێنە
گەڕان
کاروانی شه‌هیدان

.................
»ساتێک بی ده‌نگی  بۆ زه‌مه‌نێک له‌ ده‌نگ
»جینایه‌ته‌کانی ڕێژیم له‌ کوردستان
خطاطي نستعليق آنلاين

په‌یامی یه‌کیه‌تی ژنان به‌ بۆنه‌ی 64هه‌مین ساڵیادی دامه‌زرانییه‌وه‌
یه‌کیه‌تی ژنان
په‌یامی‌ كۆمیته‌ی‌ به‌رێوه‌به‌ریی‌ گشتیی‌ یه‌كیه‌تیی‌ ژنانی‌ دێموكراتی‌ كوردستانی‌ ئێران به‌ بۆنه‌ی‌ 64هه‌مین ساڵرۆژی‌ دامه‌زرانی‌ یه‌كیه‌تیی‌ ژنان
خۆشك‌و برایانی‌ هێژا!
ژنانی‌ مافخوازی‌ كورد‌و ئه‌ندامانی‌ یه‌كیه‌تیی‌ ژنانی‌ دێموكراتی‌ كوردستان!
چه‌ند رۆژ دوای‌ رێزگرتن له‌ 8ی‌ مارس له‌ ساڵی‌ 1946، به‌رامبه‌ر به‌ ساڵی‌ 1324ی‌ هه‌تاویدا، له‌ 24ی‌ ره‌شه‌ممه‌ی‌ ئه‌و ساڵه‌دا، یه‌كیه‌تیی‌ ژنانی‌ دێموكراتی‌ كوردستان، وه‌ك یه‌كه‌مین رێكخراوی‌ ژنان له‌ كوردستانی‌ ئێران به‌ مێتۆدێكی‌ مۆدێرن‌و نۆژه‌ن دامه‌زرا. به‌م بۆنه‌وه‌ گه‌رمترین‌و رازاوه‌ترین پیرۆزباییه‌كانی‌ خۆمان پێشكه‌ش به‌ هه‌موو خه‌ڵكی‌ كوردستان‌و به‌تایبه‌ت ژنانی‌ مافخوازی‌ كورد‌و هه‌موو ئه‌ندامانی‌ یه‌كیه‌تیی‌ ژنانی‌ دێموكراتی‌ كوردستانی‌ ئێران ده‌كه‌ین.
شانازییه‌كی‌ گه‌وره‌ی‌ رێكخراوه‌كه‌مان ئه‌وه‌یه‌ كه‌ له‌ ده‌ورانی‌ زێڕێنی‌ كۆماری‌ كوردستان دامه‌زرا. هه‌تا ئه‌و كات ژنان خواه‌ن رێكخراوێكی‌ تایبه‌ت به‌ خۆیان نه‌بوون‌و رۆڵێكی‌ كاریگه‌ریان له‌ بواركانی‌ سیاسی‌، كزلتووری‌‌و كۆمه‌ڵایه‌تیی‌ كۆمه‌ڵگایان نه‌بوو، به‌ڵام به‌م هه‌نگاوه‌ قۆناغێكی‌ نوێ‌ له‌ خه‌بات‌و تێكۆشانی‌ ژنان ده‌ست پێكرا.
بێگومان شانازیی دامه‌زرانی‌ یه‌كیه‌تیی‌ ژنانی‌ دێوكراتی‌ كوردستان له‌ رۆژهه‌ڵاتی‌ كوردستاندا ده‌گه‌رێته‌وه‌ بۆ كۆماری‌ دێموكراتیكی‌ كوردستان‌و حیزبه‌ دامه‌زرێنه‌ره‌كه‌ی‌، واته‌ حیزبی‌ دێموكراتی‌ كوردستان. چوونكه‌ ئه‌و ده‌سكه‌وته‌ له‌گه‌ڵ‌ ده‌یان ده‌سكه‌وتی‌ زێرین‌و هه‌نگاوی‌ گرینگ‌و مێژوویی‌ دیكه‌دا له‌ چوارچێوه‌ی‌ كۆماری‌ دێموكراتیكی‌ كوردستاندا وه‌دی‌ هات. دامه‌زرانی‌ رێكخراوه‌كه‌مان هه‌نگاوێكی‌ زۆر ئاسان‌و ساكار نه‌بوو، به‌ڵكوو له‌ ئیستراتێژییه‌كی‌ قووڵ‌‌و گه‌وره‌وه‌ سه‌رچاوه‌ی‌ ده‌گرت كه‌ رێبه‌رانی‌ كۆمار‌و به‌تایبه‌ت شه‌هید پێشه‌وا قازی‌ محه‌ممه‌د هه‌ستی‌ به‌ پێویستیی‌ مێژووییه‌كه‌ی‌ كردبوو.
پێشه‌وای‌ گه‌وره‌ی‌ كورد قازی‌ محه‌ممه‌د، به‌ بیری‌ تیژ‌و رامانه‌ ئینسانی‌‌و پێشكه‌وتنخوازانه‌ی‌ خۆی‌ زیاتر له‌ هه‌موو كاتێك هه‌ستی‌ به‌ پێویستیی‌ دامه‌زراندنی‌ رێكخراوێكی‌ تایبه‌ت به‌ ژنانی‌ كورد كردبوو، هاوكاتیش ده‌یزانی‌ كه‌ به‌ بێ‌ به‌شداری‌‌و چالاككردنی‌ ژنان له‌ بوارگه‌لی‌ سیاسی‌‌و كۆمه‌ڵایه‌تیدا، ئه‌رك‌و كاروباره‌كانی‌ كۆمار‌و كۆمه‌ڵگا به‌ باشی‌ به‌رێوه‌ ناچن‌و به‌ نه‌خوێندوارمانه‌وه‌ی‌ ژنان، كۆمه‌ڵگای‌ كوردستان پێش ناكه‌وێ‌‌و ده‌توانێ‌ ببێته‌ ئاسته‌نگ‌و مه‌ترسییه‌كی‌ گه‌وره‌‌و جیددی‌ بۆ مانه‌وه‌ی‌ دۆخی‌ نه‌ریتی‌‌و دواكه‌وتووانه‌ی‌ پێشوو. هه‌ربۆیه‌ به‌ستێنه‌كانی‌ پێویست بۆ دامه‌زراندنی‌ یه‌كه‌مین رێكخراوی‌ ژنانی‌ كورد له‌ رۆژهه‌ڵاتی‌ كوردستان له‌ ژێر ده‌سه‌ڵاتداره‌تی‌ ئه‌م كۆماره‌ ئاماده‌ كرا‌و به‌م شێوه‌یه‌ له‌ 24ی‌ ره‌شه‌ممه‌ی‌ ساڵی‌ 1324ی‌ هه‌تاویدا، یه‌كیه‌تیی‌ ژنانی‌ دێموكراتی‌ كوردستان به‌ شێوه‌یه‌كی‌ فه‌رمی‌ راگه‌یاندار‌و تێكۆشانی‌ ده‌ستی‌ پێ‌ كرا‌و مینا خانمی‌ قازی‌، هاوسه‌ری‌ به‌وه‌فای‌ پێشه‌وای‌ بلیمه‌تی‌ نه‌ته‌وه‌كه‌مان له‌ ریزی‌ پێشه‌وه‌ی‌ خه‌بات، وه‌ك به‌رپرسی‌ یه‌كیه‌تیی‌ ژنان دیاری‌ كرا.
به‌ڵام پاش رووخانی‌ كۆمار، خه‌بات‌و تێكۆشانی‌ یه‌كیه‌تیی‌ ژنانی‌ دێموكراتی‌ كوردستانی‌ ئێران به‌ پێی‌ ره‌وش‌و هه‌لومه‌رجه‌ تایبه‌تییه‌كانی‌ هه‌ر قۆناغێكی‌ خه‌باتی‌ نه‌ته‌وه‌كه‌مان، تووشی‌ هه‌وراز‌و نشێوی‌ زۆر بووه‌. به‌ڵام ئه‌وه‌ی‌ گرینگه‌، ئه‌مه‌یه‌ كه‌ ژنانی‌ كورد ده‌ستیان له‌و رێبازه‌ به‌رنه‌داوه‌‌و له‌و كاته‌وه‌ تا ئێستا به‌ شێوه‌یه‌كی‌ به‌ربڵاو له‌ پێناو ده‌سته‌به‌ربوونی‌ ماف‌و ئازادییه‌ نه‌ته‌وه‌یی‌یه‌كانیان‌و دابین بوونی‌ مافه‌ ئینسانی‌‌و دێموكراتیكه‌كانی‌ ژنان‌و یه‌كسانی‌ له‌ كۆمه‌ڵگادا تێكۆشاون‌و ئێستا ده‌یان ئۆرگانیزانسیۆن‌و رێكخراوی‌ ژنان له‌ نێوخۆ‌و ده‌ره‌وه‌ی‌ كوردستان له‌م پێناوه‌دا خه‌ریكی‌ كار‌و چالاكین.
یه‌كیه‌تیی‌ ژنانی‌ دێموكراتی‌ كوردستانی‌ ئێران خۆی‌ به‌ رێڕه‌و‌و درێژه‌ده‌ری‌ ئه‌و رێبازه‌ ده‌زانێ‌ كه‌ 63 ساڵ‌ پێش ئێستا به‌ ده‌ستی‌ ژنانی‌ ئازاده‌‌و مافویستی‌ كورد دامه‌زرا، ئێستاش خه‌ریكی‌ كار‌و تێكۆشانه‌‌و له‌ بواره‌كانی‌ رێخستن، پێوه‌ندی‌، راگه‌یاندن، په‌روه‌رده‌‌و هتد..له‌ نێو ئه‌ندامانی‌ خۆی‌ له‌ كوردستان‌و چه‌ندین وڵاتی‌ دیكه‌ی‌ جیهان له‌ پێناو وه‌دیهاتنی‌ ئامانجه‌كانی‌ تێده‌كۆشێ‌.
به‌ بڕوای‌ ئێمه‌، به‌شداریی‌ سیاسی‌‌و كۆمه‌ڵایه‌تیی‌ ژنان له‌ نێو حیزب‌و رێكخراو‌و هێزه‌ كۆمه‌ڵایه‌تییه‌كاندا پێویستییه‌كی‌ مێژوویی‌ دێته‌ ئه‌ژمار‌و هاتنه‌ مه‌یدانی‌ ژنانی‌ كورد له‌ ئاسته‌كانی‌ جۆراوجۆری‌ كۆمه‌ڵ‌‌و هه‌وڵدان بۆ پێكهێنانی‌ رێكخراو‌و NGOو ئۆرگانیزاسیۆنی‌ دیكه‌ی‌ تایبه‌ت به‌ ژنان له‌ نێوخۆ‌و ده‌ره‌وه‌ی‌ كوردستان ‌و پێداگرییان له‌ سه‌ر ماف‌و داوا ره‌وا‌و دێموكراتیكه‌كانیان سه‌لمێنه‌ری‌ ئه‌و راستییه‌یه‌. به‌تایبه‌ت كه‌ ئێستا رێژه‌یه‌كی‌ به‌رچاو له‌ كچان‌و ژنانی‌ كورد یان خه‌ریكی‌ خوێندن له‌ زانستگاكاندان یان ئاستێكی‌ خوێندنی‌ ئاكادێمیان ته‌واو كردووه‌، ئه‌م فاكته‌ره‌ ده‌توانێ‌ گه‌وره‌ترین یارمه‌تیده‌ر بێ‌ بۆ گۆران له‌ بارودۆخی‌ ژیان‌و خه‌باتی‌ ژنان.
ئێمه‌ له‌م بڕوایه‌داین كه‌ ژن‌و پیاو كامڵكه‌ره‌وی‌ یه‌كترن‌و ژیان له‌ هه‌موو بواره‌كانیدا به‌ بێ‌ یه‌كسانی‌‌و عه‌داڵه‌ت ناته‌واو‌و كێشه‌خولقێنه‌‌و كۆمه‌ڵگا به‌ هێز‌و توانای‌ هه‌ر دوو جینس له‌ پێناو ئه‌رك، رۆڵ‌‌و مافی‌ به‌رابه‌ری‌ ژن‌و پیاو باشتر به‌رێوه‌ ده‌چێ‌. ئێمه‌ پێمان وایه‌ كه‌ ته‌نیا به‌ جێگربوونی‌ دێموكراسی‌‌و دامه‌زرانی‌ سیستمێكی‌ دێموكراتیك‌و داڕشتن‌و به‌رێوه‌بردنی‌ یاسا‌و رێساكانی‌ وڵاته‌كه‌مان به‌ پێی‌ مادده‌كانی‌ جاڕنامه‌ی‌ گه‌ردوونیی‌ مافی‌ مرۆڤ‌و كۆنڤانسیۆن‌و په‌سه‌ندكراوه‌كانی‌ دیكه‌ی‌ نێونه‌ته‌وه‌یی‌ مافی‌ مرۆڤ له‌ ئێران‌و كوردستاندایه‌ كه‌ ئازادی‌‌و یه‌كسانی‌ ژن‌و پیاو مسۆگه‌ر ده‌بێ‌‌و كۆتایی‌ به‌ هه‌موو هه‌ڵاواردن‌و زوڵم‌و چه‌وسانه‌وه‌‌و توند‌وتیژییه‌ك به‌ دژی‌ ژنان دێت‌و كۆمه‌ڵ‌ به‌خته‌وه‌ر ده‌بێ‌. سه‌ركه‌وتن له‌م ئامانجانه‌دا، به‌ر له‌ هه‌موو شتێك پێویستیی‌ به‌ یه‌كگرتوویی‌، هاوخه‌باتی‌‌و هاوپیوه‌ندیی‌ هێز‌و رێكخراوه‌كانی‌ داكۆكیكه‌ری‌ مافی‌ ژنان‌و هه‌موو مرۆڤه‌ یه‌كسانخواز‌و دێمۆكراته‌كان ‌و له‌ پێش هه‌موویانه‌وه‌ چالاكی‌ نواندن‌و هاتنه‌ مه‌یدانی‌ ژنان بۆ خۆیانه‌.
به‌رز‌و پیرۆز بێ‌ 24ی‌ ره‌شه‌ممه‌، 64هه‌مین ساڵرۆژی‌ دامه‌زرانی‌ یه‌كیه‌تیی‌ ژنانی‌ دێموكراتی‌ كوردستان
سه‌ركه‌وێ‌ خه‌باتی‌ ره‌وای‌ ژنان له‌ پێناو ده‌سته‌به‌ربوونی‌ ماف‌و ئازادییه‌ ئینسانییه‌كانیان
بژی‌ ئازادی‌‌و یه‌كسانی‌
یه‌كیه‌تیی‌ ژنانی‌ دێموكراتی‌ كوردستانی‌ ئێران
24ی‌ ره‌شه‌ممه‌ی‌1388ی‌ هه‌تاوی‌
14ی‌ مارسی‌ 2009ی‌ زایینی‌


افارسی


kurdi

وێنه‌ی تایبه‌تی
تیشک تی ڤی
فیلم ،گۆرانی کوردی

.................

...................

......................

.....................
»ژماره‌ی نوێی ڕۆژنامه‌ی

..........
»ژماره‌ی نوێی ئاگری