den 31 januari 2012 17:32:00
نوسره‌ت ئه‌حمه‌دی له‌دایکبووی 1932 له شاری بانه، له ڕێکه‌وتی 26ی ژانویه‌دا،له شاری ڤێستێرۆس له وڵاتی سوێد کۆچی دوایی کرد. نوسره‌ت ئه‌حمه‌دی له ساڵه‌کانی 1950 هه‌تا 1960دا هه‌ست به مافخورای خه‌ڵک و نه‌ته‌وه‌که‌ی ده‌کات و شانبه‌شانی هاوسه‌ره‌که‌ی، ڕه‌شید ئه‌حمه‌دی، تێکه‌ڵ به پرسی سیاسی ده‌بێ و هه‌ر له‌و ساڵانه‌دا تێکه‌ڵ به حیزبی دێموکراتی کوردستانی ئێران ده‌بێ.
ئیتر هه‌ر له‌و ڕۆژانی سه‌ره‌تاوه هه‌تا دوایین ساته‌کانی ژیانی، به‌هۆی پابه‌ندبوون به بیروباوه‌ڕه‌که‌ی که ئازادی و سه‌ربه‌ستیی خاک و نه‌ته‌وه‌که‌ی بوو، به‌رده‌وام له ژیانی پێشمه‌رگایه‌تی و ئاواره‌یی له خاکه‌که‌ی خۆیدا و دواتر له وڵاتی سوێد بوو. نوسره‌ت ئه‌حمه‌دی وه‌ک هه‌ر ژنه پێشمه‌رگه‌یه‌کی دیکه جگه له تێکه‌ل بوون به ئه‌رکی سیاسی و کۆمه‌ڵایه‌تی، دایکێکی میهره‌بان بوو و توانی هه‌شت منداڵ گه‌وره و په‌روه‌رده بکات، و زۆر جاران ڕۆڵی دایک و باوک بگێڕێ و منداڵه‌کانی له سۆزی دایک و باوک بێبه‌ش نه‌کات.

ڕۆحی شاد و جێگای ئاسووده بێت.

ڕێوڕه‌سمی پرسه و سه‌ره‌خۆشه
شه‌ممه 4ی فێبریه
شوێن: Syrianska Kyrka
Narvavägen 90
کات: 13.00-17.00
ڕێوڕه‌سمی به‌خاکسپاردن
هه‌ینی 3ی فێبریه
شوێن: Hovdestalund kyrkogården
Skultunavägen
Västerås
کات: 13.00
ژماره‌ی پێوه‌ندی:
0700526207
0737211151
0767016103
بە بۆنەی کۆچی دوایی خاتوو نوسرەت ئەحمەدی، هاوسەری تێکۆشەری دێرینی حیزبی دێموکراتی کوردستانی ئێران، هاوڕێی بەڕێز کاک رەشید ئەحمەدی یەوە ، پرسە و سەرەخۆشی خۆمان ئاراستەی بنەماڵە و هەموو خزم و کەسانی خوالێخۆشبوو بە گشتی و هاوڕێی بەڕێز کاک رەشید ئەحمەدی و بنەماڵەی بەڕێزی دەکەین و بەشداری خەمیانین و لە ناخی دڵەوە سەرەخۆشیان لێ دەکەین.
روحی شاد بێت.
برایم رۆستەم نژاد
ماڵپەڕی خاکەلێوە