|
پاک
بایکۆتی هەڵبژاردنی خولی نۆیهمی مەجلیسی
شورای ئیسلامی ئێران دەکات
راگەیەندراوی یەکەمی پارتی ئازادیی
کوردستانPAK سەبارەت بە هەڵبژاردنی خولی
نۆیهمی مەجلیسی شورای ئیسلامی ئێران
رۆڵەکانی نەتەوەی گهورهی کورد
کوردستانییە نیشتمانپەروەرەکان
ناوەندە پێوەندیدارەکانی رێژیمی کۆماری
ئیسلامی، حەوتووی داهاتوویان بۆ مۆڵەتی
ناونووسی
 خۆپاڵاوتن
بۆ خولی نۆیەمی مەجلیسی شوڕای ئیسلامی،
دیاریی کردووە کە لە رۆژی شەممه سێی
بهفرانبارهوه دەسپێدەکا.
هەڵبژاردن ئامرازێکی دێموکراتییە بۆ
بەشداری سیاسیی خەڵك لە دیاریی کردنی
چارەنووسی سیاسیی و رێکخستن و بەڕێوەبردنی
دەسەڵات و حوکمڕانییەکی دێموکڕاتیک کە
کۆمەڵگای مرۆڤایەتی بە خەبات و قوربانیدان
بە دەستی هێناوە. بهڵام ئەم ئامرازە
دێموکراتییە تەنیا لەو سیستەمە سیاسیانەدا
مانای راستەقینەی هەیە کە ئازاد و
دێموکراتیک بن و لە رێژیمە توتالیتاری و
دیکتاتۆرییەکان دا وەک ئامرازی قایم کردنی
پێگەی دەسەڵاتداران بە کار دەهێنرێ.
بە شێوەیەکی گشتی، هەڵبژاردن لە کۆماری
ئیسلامیدا تەنیا شانۆ و نمایشێک لە
هەڵبژاردنە و هیچکام لە پێوەرەکانی
هەڵبژاردنێکی ئازاد و دێموکڕاتیی تێدا
نییە. ئەم جۆرە هەڵبژاردنە لە هەموو
لایەکەوە بە پێی "قانوون" کۆتوبەندی
لێدراوە بۆ ئەوەی لە هەموو ناوەرۆک و
تایبەتمەندییەکانی هەڵبژاردنێکی ئازاد و
راستەقینە بەتاڵ بکرێ. ئامانجی
دەسەڵاتداران لە بەڕێوەبردنی هەڵبژاردنێکی
ئەوتۆ، نەک دابینکردنی ویست و داخوازەکانی
خەڵک، بەڵکوو تهنیا کەڵکی ئامرازیی
وەرگرتن لە خەڵک و دەنگی خەڵکە لە پێناو
پاراستنی دەسەڵات و بەرژەوەندییە
تایبەتییە ناڕهواکانی خۆیان. لە
رێژیمێکدا کە زەوتکردنی ماف و
ئازادییەکانی خەڵک" قانوونی" کرابێ و
دانیشتوانی وڵات چارەنووسیان لە پێشدا
دیاریی کرا بێ ، پرسی هەڵبژاردن تەنیا
گاڵتەجاڕییە و بەس. لە سیستەمێکدا کە "
ولایت مطلقە فقیە" بەردی بناخە و کاکڵی
قانوونی بنەڕەتی وڵات بێ و لە
هەڵبژاردنێکدا کە چاودێری ئیستیسوابی بە
سەرەوە بێ و " شورای نیگابان" بە ئارەزووی
خۆی لە کاندیداکان دەسبژێر بکا و لە ژێر
حوکمی هێز و چاوسوور کردنەوەی دەزگا
ئهمنیهتییهکان بەڕێوە بچێ و لە
کۆتاییشدا ئامار و ژمارەکان دڵخوازانە
دەسکاریی بکرێن، ئیتر هیچ جێگایەک بۆ"
مەجلیس" و " شۆرا" و " یاسا' و " دەنگی
خەڵک" نامێنێتەوە.
بە شێوەی دیار و تایبەتی، هەڵبژاردنی خولی
نۆهەمی مەجلیسی شۆرای ئیسلامی بۆ تاقمی
بڕیاربەدەستی کۆماری ئیسلامی لە ئاستی
ناوخۆیی و دەرەکییدا، کۆمەڵێک ئامانجی
دیاریی کراوی هەیە. ئەوان لە بەستێنی
ناوخۆییدا بە لەبەرچاوگرتنی رووداوەکانی
دووساڵ و نیو لەمەوبەری پاش بەڕێوەبردنی
هەڵبژاردنی خولی دەیەمی سەرۆک کۆماریی و
ئاکامە نالەبارەکانی بۆیان لە لایەک و،
سەرهەڵدان و تەشەنە سەندنی ناکۆکی و
ململانێ تازەکانی ناو بازنەی دەسەڵات و
حەولدان بۆ یەکلایی کردنەوەیان لە لایەکی
دیکەوە؛ پێویستیان به راکێشانی زۆرترین
ژمارەی دەنگدەران بۆ سەر سنووقەکانی
دەنگدانە. تا لەم رێگایەوە، بوونی هێز و
پێگەی جەماوەریی و شەرعیەتی سیاسی خۆیان
بسەلمێنن و پاش دەسکاری کردنی
ئارەزوومەندانەی دەنگەکان، بە پشت بەستن
بەو هێزە، کەشوهەوای سەرکوت و زەبروزەنگی
قانوونیی توندتر بکەن و ناکۆکییە
ناوخۆییەکانیش بە قازانجی خۆیان و
دهرپەڕاندنی رکەبەران لە دەسەڵات یەکلایی
بکەنەوە.
لە ئاستی دەرەکییدا بە راکێشانی خەڵک بۆ
سەر سنووقەکانی دەنگدان، خەڵکیی بوونی
سیستەمی سیاسی بە چاو کۆمەڵگای
نێونەتەوییدا بدەنەوە و بیکەنە ئامرازێک
بۆ بهرپەرچدانەوەی هەڵوێستی دەوڵەتانی
رۆژاوایی و گەمارۆ سەپێنراوەکانی ئەوان و
ئەنجومەنی ئاسایش و بڕیاراتی ئهنجومهنی
مافی مرۆڤی نەتەوە یەکگرتووەکان و بە گشتی
گوشارەکانی کۆمەڵگای نێونەتەوەیی کە لە
یەکساڵی رابردوودا بەردەوام روو لە
هەڵکشان بووە.
بۆیه بە لەبەر چاوگرتنی ئەو راستیانە و
قهناعهت بهوەی کە لەم شانۆگەرییەی
هەڵبژاردندا، هیچ دەرەتانێک بۆ
هەڵگەڕاندنەوەی چەکی بەشداری بە دژی خودی
رێژیم بەدیی ناکرێ و لە رێگای بەشداری
کردنەوە هیچ دەرفەتێک بۆ کەڵکوەرگرتن بە
قازانجی نەتەوەکەمان لە گۆڕێدا نییە و ئەو
مەجلیسهش که پێکەوە دەنرێ، هیچ
هەلومەرجێک بۆ هێنانە گۆڕێی باسی مافە
پێشێلکراوەکانی نەتەوەکەمان و کوشتن و
ئێعدامی رۆڵهکانی پێکناهێنێ و زیاتر لە
جاران لە خزمەت" ولی فقیە" و فەرماندەکانی
سوپای پاسداران و بەرپرسانی دام و دەزگا
ئەمنیەتییەکان دا دەبێ؛ پارتی ئازادیی
کوردستان تەحریمی دەکا.
پارتی ئازادیی کوردستان، لەو باوەڕەدایە
کە لەم قۆناخەدا، خۆنەپاڵاوتنی
کەسایەتییەکان و نوخبەی سیاسی و
کۆمەڵایەتی و فەرهەنگیی کورد و هەر
نیشتمانپەروەرێکی دیکە لەم بەناو
هەڵبژاردنەدا، هۆکارێکی بەهێز و شوێندانەر
دەبێ بۆ ئەوەی بهشێکی بهرچاو له خەڵکی
کوردستان، لە رۆژی بەڕێوەچوونی
شانۆگەرییەکەدا، به قبوڵی ئهو سزا
سیاسیانهی که به هۆی بهشداری
نهکردنهوه له لایان رێژیمهوه تووشی
دهبن، لە بەشداری کردن و چوونە سەر
سنووقەکانی دەنگدان خۆ ببوێرن.
خۆپاڵاوتن بۆ ئەم شانۆگەرییە و چوونە
مەجلیسی دەستەمۆی سوپای پاسداران، هیچ
خزمەتێکی سیاسی و فەرهەنگی و ئابووری و
خزمەتگوزاریی بە کورد ناکا. خزمەت بە
کوردایەتی و کوردەواری لە دەیان رێگا و
بەستێنی دیکەدا، دەرفەت و دەرەتانی هەیە.
لەم هەڵبژاردنەدا ئەگەر هیوایەک بە
رەخسینی دەرفەتێک بە قازانجی نەتەوەکەمان
هەبێ، تەنیا لە تەحریم کردنی دایە.
چاولێکهریی له ههڵوێستی کورد له
باکووری کوردستان له بهشداری کردنی
ههڵبژاردنهکاندا، به مانای
تێنهگهیشتن لهو جیاوازیانهیه که له
نێوان سیستهمی سیاسی و دۆخی کورد له
ئێران و ترکیا ههیه.
بەمجۆرە و بە تهحریمی ئەم هەڵبژاردنە
فەرمایشییە، خامنەیی و فەرماندەکانی سوپای
پاسداران و دام و دەزگا ئاسایشییەکان، نەک
هەر ئامانجەکانیان لە رکێش کردنی خەڵک بۆ
سەر سنووقەکانی دەنگدان ناپێکن، بەڵکوو
تووشی شکانێک دەبن کە کاریگەریی بەرچاوی
بە سەر چارەنووسی رێژیمەکەیانەوە دەبێ.
روونیشە کە هەر بەو رادەیەی هەڵوێستی
تەحریم و بەشداری نەکردن بەرفراوانتر بێ،
ئاکام و کاردانەوەکانی دەسەڵات لە حاند
خهڵکێ کە مۆری بەشداری کردن لە
هەڵبژاردندا بە ناسنامەکانیانەوە نابێ،
لاوازتر و بەرتەسکتر دەبێ.
پارتی ئازادیی کوردستانPAK
مەجلیسی گشتی
١بەفرانباری ٢٧١١
٢٢دیسامبر |
